黃允材先陣子真係很忙似的,一會拍幾套電視劇,一邊又有新片上演,而且仲係於大銀幕

中做正男主角添。

  好多人問過佢,乜改咗個財字真係咁靈嘅咩?冇咗個貝字邊,加舊木頭係度會好好多咩?

  黃小生聽見人地咁「窒」佢,佢嘅小梨渦就會扁一扁顯現咗出嚟。

  「大佬呀,呢D係姓名學專家嘅高見嚟o架,我改咗名之後,的確感到事事都比較稱心如

意。」

  「然則你認爲自己在走運囉喎?」

 


  「唉,真拿你們沒辦法,唔通我話自己好霉咩,有戯做有工開,已經好好喇,你唔知而家世界不景氣,好多人失業呀?」

  阿黃接着重發咗一陣牢騷添,且聼他如何自白法——

  「喂,我都好想自己個貓樣成日見報,有新聞是好的,不過呢?希望你們手下留情,不要登親我一次相,就話我冇運氣

一次,十年前係咁話,十年後又係咁話,悶唔悶D呀,俾D新鮮意念出嚟都好丫。」他不溫不火的說。

  又係噃,黃允材一表人材,重有個好誘人的小梨渦,而且,他的演技也頗有水準,他飾演的花滿樓更令觀衆留下深刻的

印象。

  目下,他的古裝裝扮又在射鵰英雄傳中有所發揮了。

  「你不介意當黃日華的副車嗎?」

  「我嘅宗兄適宜扮郭靖,我不似嘛,各人有各人的戯可演,我冇乜所謂正車副車了。」

  如此識諗,真不愧材哥在圈中多年了。

                                 ——1982年12月31日《新知周刊》第九年第28期