1979年 麗歌貿易有限公司出品      
       
       
   


誓要入刀山  ★田園春夢  ★禪院鐘聲  ★小李飛刀  ★決戰前夕
願君心記取  ★情未了  ★分飛燕  ★陸小鳳  ★有酒今朝醉

 
       
 

 

上官:想當年有兩個後生仔。
陸:我陸小鳳。
花:我花滿樓,不知天高地厚,不知人心奸詐,左衝亂撞,好似盲頭烏蠅,兩千幾度近視,踏入呢個武林。
陸:你根本就盲o架啦。
花:是o架,盲人睇嘢,有陣時比你哋開眼個人重更清楚。
陸:不過咁,其實你盲咗對你有點着數o架,好多女仔都叫你,你摸吓我啦,你以後就會記得我啦。
花:呢啲情形都係間中啦。
花:喂,喂,喂你睇吓前面刀山遍遍。
陸:吓,盲嘅又點見到呢?
花:我叫你睇吓啫,我又冇話見到。
陸:不過呢條路睇起上呢,真係好危險。
花:就算點樣危險都要闖吓o架啦。


誓要入刀山
《陸小鳳武當之戰》主題曲  劉松仁、黃允財合唱  顧家輝曲  黃霑詞
誓要去,入刀山,浩氣壯,過千關!豪情無限,男兒傲氣,地獄也獨來獨往返!
願與你,盡一杯!聚與散,記心間!毋忘情義,長存浩氣,日後再相知未晚。
存心一闖虎豹穴,今朝去幾時還?奈何難盡歡千日醉,此刻相對恨晚。
願與你,盡一杯!聚與散,記心間!毋忘情義,長存浩氣,日後再相知未晚。
                                                    

花:初初重以爲刀山好危險,點知原來係個世外桃源,周圍都係綠油油嘅樹木。
陸:真係好似新加坡。
花:吓,連我呢個盲俠,雙眼都爲之一睜。
陸:變咗鬥雞眼。
花:喂!陸小鳳你都唔好咁哂我。
陸:好彩你有粒酒凹,如果唔係新加坡嘅靚女仔,就鍾意我。
花:咪嘈,我聞到一陣女兒香味,喂陸小鳳,喂,喂走去邊呀?咁快唔見人。
陸:小姐,小生有禮。
上官:有乜鬼禮,鹹鹹濕濕咁望住人哋。
陸:唔關我事o架,其實我係個正人君子呢o架,(疋鬚)整到我鹹鹹濕濕之嘛。
上官:我真係唔信你呀。
花:唔信喎,遇着陸小鳳,冇囉。
陸:原來你叫上官飛燕。
上官:你就係有四條眉毛嘅陸小鳳。
花:話,話,話你估佢哋喺度做緊乜嘢?啫啫啫,好彩我冇眼睇啫,哎吔,哎吔,你估我聽到佢哋喺度做緊乜嘢?佢哋喺度「捉姨因」。

田園春夢
劉松仁、韓馬利合唱  顧家輝曲  盧國沾詞
                                                    

花:有機會喺田園嗰度拍吓拖,佢哋兩個就開心啦,估唔到我有兩個酒凹都冇「姨因捉」,做人有乜嘢意思,咁我呢個盲佬唯有,唯有,唯有,唉。

禪院鐘聲
黃允財唱
雲寒雨冷,寂寥夜半景色淒清。荒山悄靜,依稀穩約傳來了夜半鍾,鐘聲驚破夢更難成。是誰令我愁難磬,唉悲莫罄。情如泡影,鴛鴦夢,三生約,何堪追認。舊愛一朝斷,傷心哀我負約抱恨決心逃情。禪院蕭蕭歎孤影,仿似杜宇哀聲泣血夜半鳴。隱居澗絕嶺,菩提伴我苦敲經。凡塵世俗那堪複聽,情似煙輕。禪心修佛性,夢幻已今朝醒,情根愛根恨根怨根,春花怕賦詠。情絲怨絲愁絲哀絲,秋月怕留形。情心早化灰,禪心經潔靜。爲愛爲情恨似病,對花對月懷前程。徒追憶花月證,情人負我,變心負約太不應,相思當初枉心傾,怨句妹妹太薄倖,禪院鐘聲,深宵冷靜,夜半有恨人已淚盈盈。爲愛爲情恨似病,對花對月懷前程。徒追憶花月證,情人負我,變心負約太不應,相思當初枉心傾,怨句妹妹太薄倖,禪院鐘聲,深宵冷靜,夜半有恨人已淚盈盈。
                                                    

花:我做咗和尚之後,以爲可以六根清淨,點知突然有一把飛刀,喺後面飛過呢,呀我一時間冇防備,以爲呢次一定……
陸:唔使怕,我呢靈犀一指,已經幫你接住咗啦。

小李飛刀
劉松仁唱
                                                    

陸:咦,把飛刀上面有張紙條喎,你睇吓。
花:我聞就得。
陸:呀唔記得咗你盲嘅。
花:寫住啲乜嘢字呀?
陸:約我哋聼日決戰。
花:咁今日咪既係決戰前夕?

決戰前夕
《陸小鳳》插曲  黃允財唱  顧家輝曲  盧國沾詞
命運不得我挑選,前途生死自己難斷,茫茫滄海身不知處,落葉歸根是家園。
人如滄海柳葉船,離群隱居自己情願,前途偏偏多挑戰,若問吉兇我亦難判斷。
英雄豪傑,有誰獨尊?人雖死,情不斷,無意赴黃泉。
男兒天職保家眷,兒啼妻哭內心撩亂,難尋進退失方寸,前途生死我亦難判斷。
英雄豪傑,武林認至尊,問生死,誰敢怨,含笑到黃泉。
                                                    

上官:你聼日一定要去?
陸:當然啦,如果唔係我咪變咗陸小雞。
上官:咁我……

願君心記取
《陸小鳳》插曲  韓馬利唱  顧家輝曲  盧國沾詞
                       
                            

陸:為咗主持正義,為咗朋友,我聼日一定要去。
上官:你成日話為朋友,你唔使理我啦?
陸:其實我對你真係情未了。

情未了
《陸小鳳武當之戰》插曲  劉松仁唱  顧家輝曲  黃霑詞                         

花:佢哋終於都要勞燕分飛,不過想想吓,陸小鳳呢個人,平時鬼咁風流,今次不知借啲意鬆人。

分飛燕
黃允財、韓馬利合唱
分飛萬里隔千山,離淚似珠強忍欲墜凝在眼,我欲訴别離情無限,匆匆怎訴情無限,又怕情心一朝淡,有浪愛海翻,空嗟往事成夢幻,只願誓盟永存在腦間,音訊休疏懶。只怨歡情何太暫,轉眼分離緣有限,我不會負情害你心灰冷,知你送君忍淚難。哎喲,難,難,難,難捨分飛冷落怨恨有幾番,心聲托付鴻與雁,囑咐話兒莫厭煩,你莫教人爲你怨孤單。只怨歡情何太暫,轉眼分離緣有限,我不會負情害你心灰冷,知你送君忍淚難。哎喲,難,難,難,難捨分飛冷落怨恨有幾番,心聲托付鴻與雁,囑咐話兒莫厭煩,你莫教人爲你怨孤單。
                                                    

花:陸小鳳不愧為陸小鳳。
陸:做人應該有啲豪情嘅。

陸小鳳
《陸小鳳》主題曲  劉松仁、黃允財合唱  顧家輝曲  盧國沾詞
情與義值千金,刀山去地獄去有何憾。為知心犧牲有何憾,為嬌娃甘心剖寸心。
血淚為情流,一死豈有恨,有誰人敢過問?塵世上,相識是緣份,盡杯酒,千杯怎醉君?
野鶴逐閒雲,生死怎過問?笑由人,誰過問?誰過問?
                                                    

陸:做咗咁多集《陸小鳳》,我終於研究到陸小鳳嘅哲學。
花:陸小鳳嘅哲學係乜嘢呢?
陸:有酒應該今朝醉。
花:哈,你呢個酒鬼,鍾意飲酒就真。

有酒今朝醉
劉松仁、黃允財合唱
童年就八嵗,多歡趣見到狗仔起勢追。爺爺話我最興嗲幾句買包花生卜卜脆。跳下飛機街邊玩吓水,爺爺重教我講呢一句有酒應該今朝醉,爺爺重教我講呢一句有酒應該今朝醉。行年十八嵗,懶風趣有名高級嘥置區,求其係派對仆倒去見到咬嗚都請佢,味個謙虛幾大充有水,連隨問吓佢幾多嵗,有酒應該今朝醉,連隨問吓佢幾多嵗,有酒應該今朝醉。行年廿八嵗,金翡翠鬢影衣香拖靚女,同埋趙阿翠雙雙對,結果卒之娶咗佢,以爲嵗晚煎堆點知着聲跟咗老許,無謂問過去,盞心碎,有酒應該今朝醉,無謂問過去,盞心碎,有酒應該今朝醉。行年六十八嵗,腰骨都脆阿嘅風濕中氣衰,人哋窒兩句,濕濕碎我都嗗聲吞咗佢,嘆吓雙飛打牌抽吓水。回頭望過去,始終嗰句有酒應該今朝醉,回頭望過去,始終嗰句有酒應該今朝醉。啦啦……啦……啦……啦……有酒應該今朝醉。啦啦……啦有酒應該今朝醉。
                                                    

 
         

 

    相關鏈接:
    「陸小鳳」星洲登台
     陸小鳳下南洋
    「星光快語」黃允材專訪
    「你真超人」黃允材專訪
    電視風雲——武林大會